政壇：郭位身在美國心繫學生
喺各大專院校學生參與佔中集會期間，部分校長都有抽時間到金鐘政府總部外等集會場地，探望一眾示威學生，又先後發出公開信同校內電郵，呼籲學生要留意安全、保持和平理性，甚至勸喻學生撤離示威地點。不過，有學生就反映，過去幾日無法聯絡到城市大學校長郭位，仲張貼尋人啟事添！原來郭位身處美國處理公務，現正趕返港了解學生嘅情況。
喺美國處理公務嘅郭位，現正趕返香港了解學生集會情況。（資料圖片）
其實，郭位早幾日已經呼籲過同學要繼續保持冷靜，並要時刻確保自身與朋友嘅安全，尋日佢都有再向全體教職員、學生同校友發出大學公告，指擔心留喺示威地區嘅城大同學，呼籲所有在場同學盡快撤離示威地點，因為有關地區已不再安全。
郭位又強調喺佢心中最牽掛嘅都係同學安全，相信關心同學嘅家人同老師嘅心情都同佢一樣，希望學生盡快撤離，確保個人安全。
