SUN搞作：網絡小說：關我叉事？
黑人總統近來有點鬧情緒，他在想，辛辛苦苦踏上總統之路，才知道不是請客吃飯那麼簡單。同是一個辦公室，曾經有個主人坐在裏面，把雪茄和女人混在一起玩得出神入化，自己呢？天天不是困擾在出不出兵，就是如何跟強國較勁，近來還要活在保安漏洞的惶恐之中，一句講晒總統份工真係唔易撈。
就喺自己煩到死之際，遙遠嘅地方發起咗唔知佔乜運動，黑人總統畀人逼住出嚟說三道四，真箇不是味兒。由於佢唔玩雪茄又唔玩女人，所以就搵幕僚吹吓水當娛樂。
「阿邊個邊個，佔乜運動九萬幾里咁遠，關我哋叉事咩？做乜要表態？」幕僚聽總統先生大有「唔Q理佢」之意，急忙勸道：「總統先生，嗰邊嘅人，如果想痛罵一頓，會先問候別人阿媽，道理就好似你想整衰強國，就要喺佢着緊嘅地方落手，東方之珠正正就係。
另外，總統先生你有責任保持高出鏡率，就好似演藝圈嘅攝石人咁，乜都管一餐，乜都理一餐，先顯得我哋強盛呀！」幕僚一番解讀，黑人總統甚為認同，決定喺九萬幾里遠對佔乜行動指手畫腳，以顯power。
