SUN搞作:SUN官場現形記:供求問題
幼師流失率高,原因之一是縱有高學歷,但薪酬就得唔到保障。有幼師大感不滿,即搵教育局局長吳得掂申訴。
幼師︰點解我哋嘅薪酬咁低,咁好唔公平!
吳得掂︰我都係嗰句,香港係自由市場,我控制唔到。
幼師︰咁點解中、小學教師就有薪級表,我哋就無?
吳得掂︰講到明係自由市場,呢啲自然係商業機密。
幼師︰咁你即係逼我轉行啦!
吳得掂︰都未嘗唔係一件好事。
幼師︰咁你都講得出口?
吳得掂︰求過於供,薪酬自然上升,少你一個就係一個,畀你一個鬧,總好過畀全港幼師鬧喇。
幼師︰#$$%%^^&