政壇：市民打油詩寸爆泛民
佔領行動火頭遍布港九，好多市民開始心煩意亂，尋日我哋就收到讀者傳來一篇打油詩，內容主要諷刺一眾泛民主派人士，相當盞鬼。呢首詩一開始已經將矛頭直指「搞事四人幫」之一嘅壹傳媒老闆肥佬黎，話佢「黑金亂港」，搞到香港立立亂。
打油詩
除咗肥佬黎，當然唔少得「搞事四人幫」其餘三名成員，包括「民主阿婆」政務司前司長陳方安生、外號「李漢奸」嘅民主黨創黨主席李柱銘及天主教香港教區前主教陳日君，又話假如無咗佢哋，「港人快樂過人生，貿易經濟欣向榮」。另外，首詩亦提到佔中三子之一嘅戴耀廷、學民思潮黃之鋒及一眾泛民議員，話佢哋攪亂香港、教壞學生等。
成首詩合共十八行，由二百餘字組成，但錯別字都唔少，例如將戴耀廷寫咗戴耀庭、李卓人變李卓仁、黃之鋒變黃之峰，呢班人會否唔認係講緊佢哋呢？
