為推動水墨畫喺香港發展,中國水墨大師系列展覽及研修班尋日起在饒宗頤文化館舉行,享譽國際嘅水墨大師王無邪、國學大師饒宗頤細女饒清芬等都有到場。王無邪原名「王松基」,點解改咗個咁似武俠小說中人嘅名字,聽落原來有段古。

王無邪自爆名字源於《論語》。

王無邪話,佢學畫之前原本想做詩人,所以就取自《論語》嘅子曰:「詩三百,一言以蔽之,曰:思無邪。」無奈當年政治環境不利文字創作,佢嘅作品只能在香港發表,內地及台灣都冇得入,所以後來索性師從水墨大師呂壽琨,轉向畫壇發展。結果王無邪糅合中西畫道精神嘅新水墨畫風自成一派,成為畫壇上不可多得嘅重量級人物。

第一手消息請下載on.cc東網iPhone/iPad/Android/Windows Phone Apps