政壇：方黃吉雯培育畫壇小菁英
維多利亞公園日前舉行一個繪畫比賽，由藝育菁英基金主席「小吉」方黃吉雯、立法會前議員劉秀成、觀塘區議會主席陳振彬等擔任評審。表面上三位評審好似大纜都扯唔埋，但其實佢哋有個共通點，就係同繪畫好有淵源。
方黃吉雯（右）同民政事務總署署長陳甘美華挑選心儀畫作。
劉秀成對繪畫、速寫有濃厚興趣，早在中、小學已經學繪畫。
雖然小吉謙稱對繪畫一竅不通，但有感於香港好多小朋友都有繪畫天分，奈何部分人因屋企唔夠資源，於是同繪畫擦身而過。所以兩年前佢決心創立咗藝育菁英，喺全港十八區舉辦工作坊，畀有天分嘅小朋友學繪畫。今次比賽脫穎而出嘅十名優勝者，仲有機會去俄羅斯參加為期一星期嘅藝術體驗之旅，食宿費用由基金包辦，機票獲航空公司贊助，由小吉親自帶隊。
本身係建築師嘅劉秀成，速寫相當耍家，繪畫當然難佢唔到啦，佢睇中嘅兩幅作品更成功進身十強，果然好眼光！
從事製衣行業起家嘅陳振彬原來都花過一年時間修讀室內設計，雖然最後都無做過相關行業，但佢話讀過室內設計，對製衣有好大裨益，尤其係顏色配搭方面。
