政壇：名模Jocelyn撐領養寵物
混血模特兒Jocelyn同老公Anthony尋日拍拖出席活動，提到主辦單位宣揚愛護動物，佢哋大力支持，仲話終身都會支持呢個慈善機構，Jocelyn話：「我哋屋企兩隻寶貝貓貓都係喺呢個機構度領養，佢哋會確保動物係健康同安全，唔止係狗仔同貓仔，對所有動物都好好。我哋要養寵物都只會領養。」
混血模特兒Jocelyn同老公所養兩隻寶貝貓貓，都係經慈善機構領養。
問到佢哋喺尼泊爾嘅慈善學校工作，佢話：「一直有做學校方面嘅事工，同埋有為學校籌款，我哋學校依家keep住係60個學生，因為想對啲學生負責任，確保啲善款可以全數幫助到佢哋，等佢哋畢晒業之後先再計劃拓建嘅事。啲朋友都好好，有幫手籌款同有去學校探訪啲學生。我哋希望今年或者出年農曆新年可以有時間去。」Anthony就提議可以教導佢哋啲學生愛護同照顧小動物。
