報販斥煽動人上街悔賣《蘋果》
【本報訊】銅鑼灣主要幹道被示威者佔領多日，區內報販叫苦連天。報攤位於東角道及駱克道交界的報販謝先生，因佔領行動阻路，令人流減少及供應商無法送貨，過去一周生意額勁減一半，昨晨憤然與部分反佔中人士一同推冧封路鐵馬，直斥：「呢個係柏林圍牆呀！」他批評示威者為一己私利，犧牲其他人利益，並對過往曾販賣鼓吹佔中的《蘋果日報》深感後悔。
報販謝先生對曾賣鼓吹佔中的《蘋果日報》感後悔。
謝先生昨晨推冧示威者設置在東角道的鐵馬，情緒激動地指着鐵馬喝道：「依家要推倒圍牆呀！呢個係柏林圍牆呀！」他事後向記者透露，自周一開始，供應商因封路而無法送貨，報紙雜誌及樽裝蒸餾水均缺貨，但他每日仍要提早開工，延遲收工，以防發生衝突破壞其店舖，「搵食啫？乜貨都送唔到嚟，唔見咗一半生意額。做咁多年都係為兩餐，安安定定唔得嘅？」
謝先生又坦言，後悔曾販賣香港《蘋果》，又批評台灣《蘋果》誤報佔中行動有人死亡，疑企圖煽動更多人上街：「爭取民主，唔係用所有人嘅利益去爭取嘛！」
