SUN焦點：墮機槽吸沼氣九死一生

濕滑跣親尖釘拮人

「工地有好多吊機，熟行嘅工友唔會行埋吊臂旋轉嘅範圍，如果唔知行埋去，分分鐘一桶石屎揈埋嚟，一扑就傷！」黃續指出，工地常有電線、鋼筋或釘等尖物，或導致觸電，「地面濕滑跣親都會拮死人。」

香港建造業總工會理事長周聯僑指，進入地盤一定要事先申請以及購買保險，「冇平安卡唔可以入地盤，如果係地底好深嘅隧道，更加要接受一至兩小時培訓。就算係資深工友，第一日落地盤都要安全主任帶佢行一圈先得。」

部分地盤或有沼氣存在，香港醫學會前會長蔡堅指，如沒氧氣筒等裝備，吸入沼氣可導致中毒、窒息或抽筋，如沙井下氧氣不足，更可於三分鐘內致死。