SUN搞作:SUN官場現形記:尋人
有市民喺鬧市到處張貼街招尋人,李衞見到此奇怪場面,於是問吓市民發生乜事,點知就得到以下嘅答案。
李衞:你哋一個二個喺度貼街招,究竟要搵咩人?
市民:你都幫手一齊搵啦!佢嘅特徵係戴眼鏡、面目可憎、鬼鬼祟祟……
李衞:咁性格呢,又點o架?
市民:鍾意成日黐飲黐食,鮑魚茅台佢至like,愈貴愈啱佢!
李衞:咁仲有呢?
市民:咪鍾意貪、乜都貪囉……
李衞:究竟佢係乜水?你哋大鑼大鼓咁搵為乜?
市民:呢個人咪係貪曾囉!十.一喺度玩失蹤,龜縮唔出嚟,政改又係佢催生,但冇實幹,仲唔快啲幫我搵佢出嚟打鑊佢咩!
李衞:哦……原來係貪曾!