話說佔領中環行動連日佔據本港多處鬧市街道，平日車水馬龍嘅道路都變晒行人專用區。有讀者好眼利，尋日早上十一時許，發現打扮甚「平民」嘅審計署署長孫德基偕同一名外籍女士，沿中環友邦金融中心對開一段馬路步行向金鐘方向。根據讀者提供的相片，孫德基身着淡灰色汗衫、深色短褲同波鞋，身旁嘅外籍女士亦一身休閒服，手執環保袋，驟眼睇同一般巿民冇分別，未知係咪微服出巡視察佔中行動，抑或係純粹路過？

孫德基尋日被讀者發現，喺中環友邦金融中心對開一段馬路步行向金鐘方向。（讀者提供）

第一手消息請下載on.cc東網iPhone/iPad/Android/Windows Phone Apps