翻新商場等升降機勁翳焗
彩雲商場翻新後，不少居民都指設計不便居民使用。王先生指商場經翻新後，將所有升降機建於狹小房間內，除要推門內進外，更因內裏空間完全密封而呈翳焗，等候升降機隨時等至「一身汗」，「搭部升降機已經要推門，之後入面又熱又焗，點解連風扇都唔加番把！」領匯發言人表示，升降機等候位置消防防護門廊，以備火警時為阻隔濃煙的逃生通道，有關設計及設置符合相關法例要求。發言人又指，為確保防護門廊發揮最佳功效，故不宜加設其他通風設施。
彩雲商場等候升降機的位置為密閉空間，而且缺乏任何通風裝置。
「呢個問題我哋都嘈咗好多次，佢哋話裝風扇驚啲膠會溶會着火喎，所以連風扇都唔肯加！」當區區議員譚美普表示，曾多次提出其他方案，惟領匯一直以官腔式回應及處理事件，批評領匯漠視居民訴求。
