氣壓沉疊疊的革命時刻，傾盆豪雨帶來稍涼的溫度，也洗刷不淨香港廢柴政府的卑劣邋遢手段和兇殘無恥的惡行。當全港市民通通被催淚彈新聞熏濕雙眼時，幸好，法庭宣判的一樁裁決，令人精神抖擻，感受到香港仲有得救。
香港廢柴政府波波局長及妻子幾年前用電郵和一份文件誹謗一間學校校董，與其兩名子女作弊一案，陪審團裁定波波兩夫婦發放的電郵和文件，含誹謗及惡意中傷成分，判佢哋誹謗罪成罰款。
查實，這叫人興奮的裁判，不在於罪犯罰款多寡，而係正義的伸張，也是對討伐卑劣手段的一次勝利。波波兩公婆，加埋百幾歲，竟以謠言去誹謗年輕有為的「領袖生」，更禮義廉到作供時，話電郵只以「領袖生」作弊，而無指明係「×××」作弊，呢種下三濫的偽語劣行，下流極致，好在逃不過香港法律的制裁，否則，天無眼！
波波出任局長兩年來，被揭發曾與妻涉嫌經營「劏房」，又於新界東北涉「囤地」謀利，佢個人亦有酒駕，切雙白線兼逆線行車，呢啲都係大家「唔覺意」知道的醜事，未被揭發的，唔知仲有無，或唔知仲有幾多。喺外國，個底咁花的政府官員，一早已自動辭職同畀人民唾棄的了！佢仲賴死唔走，不單只佢面皮厚，還顯示這個人無能也！
講到卑鄙，更有個人鬼祟匿名信抹黑案中領袖生同學，害得他原先可以入讀著名大學的美夢破滅，毀了前途，至今，仍未查到係邊個做啲咁損人不利己的缺德賤行，遲早畀雷劈！
各位，你估到邊個造謠害人？
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
第一手消息請下載on.cc東網
