少膽虫一返到公司，就見成班編輯雞飛狗走，「腦細亂咁射，射到我成面都……」少膽虫大吃一驚，「射？射咩射到啲人四圍走……」正當少膽虫狐疑之際，一身重裝備嘅淫賤黎走出嚟大叫︰「我要睇煙花！」原來淫賤黎喺度射煙花。「腦細，我哋就手無寸鐵，唔使射我哋吖？你睇啲編輯畀啲煙熏到流眼淚，一陣點做嘢？」

淫賤黎一臉暴躁，「我唔理！十．一無得睇煙花，我依家已經好克制！」少膽虫同其他編輯舉手投降，可惜淫賤黎仍然步步進逼，「射呀！射呀！」少膽虫難抵煙熏，只好苦苦哀求，「腦細，放過我哋啦，本是同根生，會唔會有其他解決辦法？」

淫賤黎一聽，放低手上煙花，少膽虫以為成功動之以誠，點知……「少膽虫，既然你咁講，就屈委一下你喇。」淫賤黎手起間尺落，啪啪聲隨之而來，一首《菊花台》又喺少膽虫心入面迴盪，「菊花殘……」

第一手消息請下載on.cc東網iPhone/iPad/Android/Windows Phone Apps