政壇：蜘蛛女喜誕精靈囝囝

「蜘蛛女」Lisa鄭麗莎「升呢」做媽咪喇！佢喺尋日朝早誔Ｂ，重三點三八公斤，順產。狀態極佳嘅Lisa話：「兒子相貌跟爸爸猶如餅印，很高興可以跟大家分享這個喜訊。」睇到佢抱住ＢＢ係咁錫就知佢幾咁開心喇，而ＢＢ眼仔睩睩，好精靈喎。

鄭麗莎話BB個樣同爸爸好似餅印咁。

為咗迎接ＢＢ，Lisa早就準備咗好深色嘅衫仔、小煲呔同西裝等，決意打造型格小寶寶，而早前屋企又進行大裝修，兩公婆為小朋友設計咗中性感覺嘅非洲大草原裝潢，房間嘅牆身同家具都布滿小動物圖案嘅蹤影，佢仲揚言即使日後再添多一個囡囡，都可以住埋同一間房。