復課無期 家長控訴
佔中成「持久戰」，陸續浮現對市民生活的影響，中西區及灣仔區學校復課無期，嚴重影響學習進度，據知教育局傾向最快明日復課，但不少區內中學校長擔心交通混亂影響學生上學及放學，建議下周一復課，更有小學校長認為應以學生安全為首要，佔中結束才復課。不少家長於網上討論區留言，擔心停課阻礙學習進度，嚴重損害即將提交升中呈分試分數的小六學生及「未教晒書」的應屆文憑試學生，「星期日補課都追唔番」，家長促請學校及教育局制訂應變方案，又要求佔中人士不要影響市面交通。
開學未幾，中西區及灣仔區學童便因佔中「被停課」。
各界叫苦
楊先生（旺角瓷磚店負責人）：佔中唔好，警察用催淚彈都唔好，希望雙方盡快解決，始終佔中影響生意，啲車入唔到嚟又無人行，初步估計店舖生意少一半。
各界叫苦
黃小姐（旺角燒味店店員）：唔支持學生抗爭，好影響生意，每日至少損失幾千蚊，經營成本已經高，又要交租又要畀人工，若然抗爭繼續落去，真係好擔心！
姚先生（的士司機）：廣東道有好多酒店住客及個人遊旅客，係的士業重要客源之一，如今佔中人士佔領咗廣東道，的士乘客難免減少。雖然自己識得「兜路」去海運大廈，但其他司機未必知道，行車會十分困難。
生果檔負責人：班學生人哋講乜就做乜，當然唔支持佢哋；生意當然受影響，夠錢交租、夠畀人工已經偷笑！
當局擬最快明日復課
消息指，教育局日前約見部分學校校長，諮詢中西區及灣仔區學校復課日期，有校長反映既然佔中持續，區內學校不能無限期停課，加上有家長反映，停課拖慢子女學習，希望盡快復課以減低影響。據知，當局正考慮最快明日復課。教育局發言人說會評估交通情況及風險，適當時候公布停課或復課安排。
灣仔區中學校長會主席戴德正認為下周一應要復課，「無可能無限期拖延，十月六日係好日子，學生安全暫時唔使太顧慮，睇事態發展，示威者都和平，唯一係交通問題，遲到可以唔計入考勤」。中西區聖士提反堂中學校長陳婉玲說停課影響學習進度，老師已利用網上平台提供學材及功課，希望學生追趕學習進度。
靠網絡發放學材功課
中西區聖類斯中學校長葉偉明指，已透過內聯網發放電子預習學材及功課給學生，期望當局盡快解決附近交通問題，下周一復課，「如果明天返得一日，學校行政安排上會有困難」。佔中期間，校方不追究學生缺課和遲到，該校小學部需聯絡校巴，商討改道問題。
由於不少小學生及幼稚園學童乘坐校巴上學，灣仔區聖公會聖雅各小學校長張勇邦說，為安全計，應在佔中結束後才復課，佔中又同時復課涉及學生安全，校方已提供網上功課給學生。
另外，參加中一統一派位的小學須呈報學生在小五下學期及小六上、下學期校內成績，小六上學期呈分試大多在十一月舉行，學生成績將影響統一派位的派位組別（banding），不少中西區及灣仔區小學家長憂心忡忡，擔心再停課，教師及學生沒有足夠時間預備呈分試，隨時影響學生升中派位結果。
「星期日補埋課都唔掂」
有不少家長直言：「可憐小五小六要呈分！」、「唔想停課，之後有排追！」又表示「教育局會否體諒佢哋而分開呢班學生嘅成績呢？」有家長更狂呻教育局根本不會區分不同區域學生的成績，中西區及灣仔區學生無辜被牽連，「我囝囝返灣仔學校，兩個星期後就測驗，測驗範圍老師仲未教晒，星期五再冇得返學，真係頭暈啦。」
中學生同樣受停課影響，有家長指文憑試課程繁多，教學工作已十分緊迫，停課隨時「教唔晒書」，「中六嗰啲先慘，已經唔夠時間，依家咁搞，星期日補埋課都唔掂」、「很認同，有仔女讀緊中五、六啲朋友都話好慘，有排追！」
