房屋署署長康康返工時，見到有啟晴邨市民坐喺公園一臉愁爆，康康八卦上前關心市民，點知就畀市民怒鬧，大家睇吓發生乜事。

市民：冇水啦、冇水啦！

康康：冇水？呢方面我幫你唔到喎！

市民：你都幫我唔到，咁邊個幫到？

康康：梗係搵你啲親戚朋友幫手啦！

市民：你估佢哋係神咩，話有就有！

康康：關神咩事？你冇錢咋嘛？

市民：我唔係冇錢，係屋企成日冇廁所水呀！你哋點搞o架？

康康：哦……用食水咪得囉！

市民：咁樣用法，到時我真係冇水啦！

康康：%^&%&@#$@!!!!!

第一手消息請下載on.cc東網iPhone/iPad/Android/Windows Phone Apps