城中鏡：張新悅B女出世報喜
教育局前政治助理楊哲安同太太張新悅嘅三女出世了，再任媽咪嘅張新悅喺佢嘅個人社交網站公布呢個消息，仲影咗張戴住花花頭帶扮靚嘅B女相。
張新悅
張新悅喺個人網站宣布B女出世喇。
唔知係咪B女出世撞正香港爆發佔中，張新悅有感而發，特別留言：「希望香港這小城市與我寶寶一樣健康成長」。張新悅話，今次係佢又一次做媽咪，佢對B女嘅願望就係：「別讓父母擔心，你是被寵愛的知道嗎？」報喜之餘，心水清嘅人都發現張新悅果然係潮人，新版iPhone出咗冇耐，佢已經換咗新機喇，相信報喜嘅貼文同B女張相都係用新機影嘅。
