政壇：泛民政客抽佔中水（火羅）爆

佔中啟動後，白鴿黨兩個阿哥阿姐何俊仁（AV仁）同劉慧卿先去政總聲援，結果一到場就畀學生噓，轉個頭，AV仁落去佔領區同啲示威者一齊靜坐，今次唔係畀學生或示威者鬧，而係畀不滿佔中嘅市民鬧，可算抽水不利。

同樣落區遇尷尬嘅仲有公文袋，啲有「藍血大狀」之稱嘅公文袋中人個個身光頸靚，余若薇首日戴住防護眼罩落區嘅一幕，同以保鮮紙護眼嘅學生，真係身份同裝備都天淵之別，係咪同道中人，你話呢？難怪又畀人冷嘲熱諷。

公文袋另一惹火人物毛孟靜（阿毛），尋日又落區抽水，阿毛同樣裝備十足，着晒保護衣，姿態一流。有參加者就揶揄呢啲政客咁多裝備，似搶風頭多過撐示威咁話喎！