魏華星
因為推動社企文化同綠色生活，Green Monday創辦人之一嘅Francis魏華星近年人氣急升，但佢尋日突然辭去所有政府公職，仲坦言係對近日警方對待佔中示威者感到心痛、無力，對現屆政府「感到陌生」，故響應友人呼籲辭去公職，包括中央政策組特邀顧問、民政事務署「伙伴倡自強」社區協作計劃委員，以及環境局可持續發展基金委員，聲言今後將專注社企工作。
Francis直言做公職嘅日子好開心，但有感佔中爆發後，一幕幕鏡頭令佢愈睇愈心噏，思考一個晚上後，尋日早上發電郵向有關部門請辭，雖獲有關人士挽留，但佢無意回心轉意。
無「公職」一身輕嘅佢不愁寂寞，佢話：「我手上有二十個社企項目，會專心做好呢啲工作。」至於將來會否再接受政府委任，佢乾脆答話：「暫時無諗過。」
第一手消息請下載on.cc東網
