新股上市發盈警再破紀錄！強泰環保上市第二日即發盈警，話半年溢利受到上市費用所累而大減，雖說佢喺招股書都有披露過，之但係呢種灰色地帶，散戶咪又中伏囉！
強泰環保係內地一家污水處理服務供應商，上個禮拜五先掛牌，可能因為「細細粒」，加上都有啲概念，招股反應唔錯，超購556倍，第一日掛牌表現都省鏡，勁升七成，帶挈散戶一手都賺成差唔多兩千銀。之不過，只係上咗市第二個交易日，強泰就已經出warning，話今年首五個月純利比舊年大減，原因就係上市產生嘅專業費用所涉嘅行政開支大增，仲講明招股書已經提過。成日話要加強立法監管新股，之但係好似之前隻「史上超購王」Magnum亦喺上市後無幾個月就發盈警，當局係咪要正視一下呢？
第一手消息請下載on.cc東網
