今日同大家介紹潮語「零波」，其實可以話係一種社會現象，係有地區性的，例如香港地區比較普遍。咁其實「零波」即係乜？好明顯係指一啲女性，尤其係少女嘅胸部，即係乳房位置較為平坦，即比較細小。港式粵語所謂嘅「零波」、「微波」、「飛機場」以至「貧乳」，意思都相若。不過根據醫生所講，「零波」未必是真正的「零」，當生育小朋友之後，胸部大小與乳汁分泌量無直接關係，女士們亦不用太過擔心。

一個人天生係高係矮、係肥係瘦，真係由不得人。點解天生你唔係金城武咁靚仔？點解又唔係好似啲超級模特兒咁，有「九頭身」嘅無敵比例？不過我一向都相信上天係公平嘅，天畀咗一樣嘢你，就梗係有啲嘢係無。例如係「波」大可能會無腦，四肢發達又有機會係頭腦簡單，靚仔有錢有家底，又會無品無才華。到你有才華，又可能貌如母夜叉。

知足者「零」亦樂，但關乎香港民主前途嘅普選方案，絕不能似零非零，堅持要賺最多！

第一手消息請下載on.cc東網iPhone/iPad/Android/Windows Phone Apps