淫賤黎一早返到公司大嗌︰「大家知唔知十月一日係咩日子？」少膽虫忍唔住竊笑，心諗，「咁都要問，傻的嗎？」淫賤黎再露奸笑，「呢啲日子一定要賀一賀佢……」

「唔通淫賤黎決定轉軚，投向阿爺嘅懷抱？」少膽虫見機不可失，大力擦鞋，「起來！不願做……」遽然間，少膽虫頭頂又冒金星，「少膽虫，你倒我米呀？」淫賤黎磨拳問。少膽虫一臉無奈，「腦細，又係你話十月一日要賀一賀佢，我咪附和你『唱紅』囉！」

「唱紅？依家叫你嗰日『去飲』吖！」淫賤黎再道︰「嗰三個書生抽水抽咗咁耐，終於狠下心腸做嘢，唔幫唔得嘅。」少膽虫伏已中，惟有急急補鑊，「我哋《爛果》仝人，一定會跟隨腦細支持『去飲』！」淫賤黎攤開手掌，滿意道︰「非常好！既然係咁，位位五百，速磅唔好兩頭望！」少膽虫大感驚訝，「腦細，做咩呀？」

「『去飲』要畀人情是常識吧！」就係咁，少膽虫就白白無咗五舊……

第一手消息請下載on.cc東網iPhone/iPad/Android/Windows Phone Apps