消防處及勞工處各自為政、溝通混亂，阻延港鐵新鐵路線工程。由於兩個部門對電動油泵制式要求不一，迫使工人以人手入油，入油速度相差四倍，最少十個地盤曾受影響。李衞知道就去搵勞工處處長強強理論。

李衞：你哋點溝通o架？各說各話嘅！

強強：都冇溝通過，我哋部門還我哋部門，佢哋還佢哋。

李衞：咁就弊啦，依家咪出事囉！

強強：其實大家都係根據指引做嘢。

李衞：但個指引唔同，好難搞喎！

強強：冇辦法，咁依家要改善嘞。

李衞：點改善？你去幫手入油呀？

強強：唔係，你話我哋欠缺溝通，我依家咪去搵阿消防處長歎杯茶，溝通溝通吓囉！

李衞：#@%@^*$%!!!辦事不力仲掛住食？

第一手消息請下載on.cc東網iPhone/iPad/Android/Windows Phone Apps