政壇：鍾國斌見蘇獨失敗「心都定」

Felix話，想當年佢讀緊中學嗰陣，屋企人想送佢出國留學，咁啱佢爸爸有個朋友嘅囝囝喺蘇格蘭讀書，佢爸爸又以為英國同蘇格蘭係同一個地方，於是就送咗佢去當地讀書。點知去到先知原來英國同蘇格蘭係兩個完全唔同嘅地方，但佢都由預科讀到大學，修讀建築及測量系，直至畢業後先返回香港接手家族生意。

蘇格蘭喺多個方面都好依賴英國，但Felix話當地工業响七十至八十年代發展蓬勃，唔少工廠製作冷衫嘅質素都好高，所以佢都有諗過同當地人做生意，將當地製作嘅成衣引入香港，但後來因為當地成本太高，加上運費太貴而放棄。