政壇：「潮人」葉振南接棒大計多
有逾千會員嘅香港汕頭商會日前換屆，「潮人」葉振南（Stephen）榮升會長一職，仲係該會三十四年來最年輕嘅會長，一眾潮人晚上擺幾圍歡聚一堂。常務副會長林鎮洪喺社交圈比較低調，但其實佢係中港照相器材主席孫大倫嘅親家。潮州商會會董張詩培就新加入商會做商務主任，而在潮州開設醫院嘅吳漢忠就擔任青委主任，夠晒人才濟濟。
葉振南（右二）獲上屆會長吳漢增（左一）、榮譽會長歐陽成潮（左二）及永遠名譽會長唐宏洲全力支持。
講到未來大計，Stephen話希望深化中港兩地嘅商務交流，正構思為具有金融及法律專長嘅會員創造更多商機，近日已同內地省市商討，希望引入更多內地企業來港集資。佢又話潮汕商機處處，有會員早前在當地開設宴會中心大受歡迎，大把「錢」途喎。
