有調查公布年輕大學排名，本港大學排名普遍下跌，有指原因或同新舊學制交替有關，呢日就有學生同教育局局長吳得掂訴苦。

設計對白

學生︰喺香港讀書，真係讀死書，讀書死。唉，我唔想變高分低能呀！

吳得掂︰同學仔，點解咁講呢？

學生︰你望吓塊鏡。

吳得掂︰……我哋已經改為着重批判性思考喇喎。

學生︰改完咪又係要死背書，連通識都要考試，結果咪又係出現咗標準答案。

吳得掂︰咁……

學生︰最後就淨係識背書，出嚟工作咩都唔識，日日托住下巴等收工。

吳得掂︰三三四學制，無你講得咁差嘅。

學生︰學制係其次，最重要係內容，同我講三三四？我話不三不四就真！

吳得掂︰@#$%^&&**!!!

第一手消息請下載on.cc東網iPhone/iPad/Android/Windows Phone Apps