特首CY梁振英女兒梁齊昕要搵私人補習幫補零用錢？活躍於網絡世界嘅齊昕尋日在社交網站發文，中英夾雜咁問有冇小學生需要一對一英文補習服務，仲保證提供頂級教學質素，叫價每小時三百元；其後唔知係咪自覺叫價太高，改為中小學生同價，但唔知係咪齊昕親自教導。

梁齊昕尋日喺社交網站發文，問有冇小學生需要一對一英文補習服務。（互聯網圖片）

曾就讀英國名校倫敦政治經濟學院嘅齊昕，英文應該唔錯。（資料圖片）

廣告迅被刪除

不過，有網民就留言嫌齊昕收費太貴，話出面嘅小學私補一百元有找，叫佢留意吓行情先賣廣告。曾就讀英國名校倫敦政治經濟學院（LSE）嘅齊昕即時反駁，叫對方睇吓自己乜嘢質素（quality）先評論喎。不過，呢個私補廣告好快就被刪除咗嘞！

第一手消息請下載on.cc東網iPhone/iPad/Android/Windows Phone Apps