多位內地貪官近日落網受查，發現佢哋家藏大量頂級攝影器材，全部都係由下屬或企業向佢哋「進貢」，有貪官更公器私用，動用政府直升機影天鵝；另外一位貪官就利用職務便利，違規使用公款製作數十本個人影集，有啲仲身兼攝影組織要職及舉辦專題攝影展添！
大家係咪覺得呢啲例子熟口熟面呢？「貪曾」前特首曾蔭權爵士喺任特首時咪試過濫用職權到米埔影雀囉！貪曾又試過被踢爆私用政府新聞處嘅長鏡頭去影雀鳥。嘩，連內地貪官都受查，唔知貪曾又幾時落鑊呢？
