近年嚟，天主教香港教區好希望可以成立一間天主教大學，近日教區就打造四間護理實習室，準備為開護理學士課程鋪路。護理實習室尋日開幕，教區請咗輔理主教楊鳴章主禮兼參觀。當參觀實習室時，佢仲學習幫一個裝咗模擬真人心跳程式嘅假人聽心跳添！楊鳴章戴住個聽筒好認真咁喺假人個胸口左聽聽右聽聽，但點知搞咗好耐都聽唔到心跳，為咗打圓場，惟有笑笑口話個假人要「通波仔」喎，場面都幾尷尬。
楊鳴章戴住個聽筒好認真咁喺假人個胸口左聽右聽。
