渠署失當排水工程無效
「次次一打風落大雨就好似水災，啲水可以有成幾吋深，行出村口好似玩急流咁！」石澳大浪灣村居民楊小姐指，渠務署早前於上址進行渠道工程，疑因選址失當，最終未能改善去水問題，每遇暴雨即淪為澤國，居民出入飽受不便，「渠務署一兩年前開始整排水工程，但到依家都係冇改善。」
石澳大浪灣村排水能力欠佳，豪雨時居民難以出入。（讀者提供）
渠務署發言人證實，過去一年曾就涉事地點排水問題接獲兩宗投訴，已聯同民政事務總署及南區民政事務處到現場視察，民政事務總署亦計劃在大浪灣公共停車場加建渠道，將為此提供專業意見。發言人同時承諾，將繼續監察涉事地址水浸情況。
「佢哋依家又唔問吓我哋意見，又係盲頭烏蠅咁衝埋去就做，會唔會又好似之前咁，改善唔到問題o架？」楊小姐促請有關部門規劃時先作出充分諮詢。
