近年，每逢落雨，各區馬路中間，梗係變成一個個水氹，尤其是那些瀝青地，總是崩缺一塊塊，形成凹窪積水。

看着這些瀝青水氹，成因只有兩個：一是有人偷工減料，瀝青原材料不合標準，損壞也無人理；二是鋪地工人水準不高，並不專業。

今日香港，勿說鋪瀝青無料到，全港各行各業又何嘗有人才吖！香港廢柴政府庸官當道不在話下，即使連茶樓伙記、時裝店售貨員又有幾多個做得長o架？新手又怎會有專業能力呢？

大學生嫌職業低微，連Part-time撈散、攞吓社會經驗都唔肯制，有專業技能的又不肯屈就。本來呢啲低技術工種最適合無學歷的內地新移民「貢獻社會」的，但奈何香港福利實在不薄，誰願攞苦嚟辛呢？

觸發我寫呢篇香港再無專業人才的蕪文，因那日，站在十字路口，見一輛火燭車響着警號奔馳，但在它前面的幾架車卻沒有一架自動讓路，本以為那些車主自私啫！後來才知原來佢哋唔知要讓路給「救急車輛」的，因學校無教過喎！咁仲未失敗，當火燭車駛到路口交界時，橫行的車亦不停下讓路，火燭車就很慢很慢的移前，當一大半車身駛到十字路口中央時，橫行的車才有停下的反應，不過，仍是慢慢越過火燭車車頭而去。我一直睇住那消防車，想睇吓佢點做，殊不知，該火燭車要所有車輛停定晒，佢先至向前行，唉！連揸響住警號的救火車也沒專業判斷，其他人又點呢？

成個香港都無專才，只剩下蠢材庸才，呢度仲會有得救嗎？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps