SUN搞作：SUN官場現形記：聊勝於無
運輸署署長茵茵返工時，見到有位市民頭耷耷，不停喺度自言自語，茵茵於是上前睇吓發生乜事。
市民：好虧呀、好虧呀！
茵茵：先生，你做咩話自己虧呀？
市民：唔係話我，係話你虧呀！
茵茵：我係女人，點會虧呀？
市民：唔係虧，係「規」，你哋規劃好差，搞到我哋啟晴邨嘅市民搭巴士要搵命博！
茵茵：哦，咁咋，好小事啫。
市民：咁你講啦，依家有咩橋解決先？
茵茵：橋我就冇啦，嗰度有條橋，畀你哋用嘅，睇吓你啱唔啱使喇！
市民：就係條天橋會兜路先唔啱用，依家你又塞番畀我！
茵茵：好過乜都冇吖？係咪？
