王賢訊同太太一齊現身，佢仲打算扮七小福參加步行籌款。
名人王忠秣兒子、仁濟醫院副主席Vincent王賢訊向來創意多多，之前就藉住「冰涌挑戰」熱潮，諗咗條新橋為仁濟旗下一個基金籌款，建議喺其中一個副主席嘅家中搞創意籌款，即係將啲冰放入泳池，跟住點名靚女總理跳入泳池中，夠晒睇頭喇啩，但最後係咪實行得到，大家就要拭目以待嘞！之不過，最近佢又諗到新嘢玩喎！
尋日喺一個公開場合見到Vincent同太太，講開佢最近出咗本書，內容係講及多隻被收養嘅動物，由於書名同七小福有關，有見及此，佢就打算喺十二月中嘅仁濟步行籌款中，發起同其他總理一齊着上特別服飾，扮演壽星公等七小福一齊步行，為活動增添歡樂氣氛，幫到人自己又開心。
第一手消息請下載on.cc東網
