少婦港鐵歷險感謝市民相救
【本報訊】「港版鄭捷」前天於港鐵觀塘站持刀嚇少婦和其一歲大男嬰，經歷驚心動魄一幕、飽受驚嚇的姓梁（二十五歲）美少婦，昨天下午在社交網站facebook中發貼感謝幫忙制服持刀漢的多名男乘客，「好多謝幾位猛男~香港絕種猛男~真係好感激~好采（彩）有你地~如果吾（唔）係真係無命……」
姓梁少婦與一歲B遇刀客幸無受傷。（資料圖片）
女事主在網上留言感謝協助制服疑犯的多名男子。（互聯網圖片）
「最緊要冇事」
她又留言簡述事發的經過，讓親友安心。「仲有其實當時已立即推B比（畀）D關心我嘅姨姨睇住……但果（嗰）個人係甘（咁）追我~一開頭佢超大聲講吾（唔）該~我一句（嚇親我）~我靜（淨）係講左（咗）一句。」梁又指，其實她當時面對不停大呼小叫的莽漢，已經嚇得膽戰心驚，但由於她怕再出聲會觸怒莽漢，為免他情緒激動，梁控制自己保持冷靜，惟直至事後持刀男被制服，梁才鬆一口氣，一度失聲大哭「喊到震」。
梁的不少朋友得悉事件後，皆留言：「無事就好啦，take care」，「最緊要你同個小朋友都冇事，平安大吉最好。」有人亦讚揚當時冒險挺身而出的男乘客：「好彩有人幫手，冇事就好啦！」
前天下午二時許，一名姓吳（四十七歲）男子在觀塘線車廂內，嫌推BB車的梁女阻路，一度大喝「行開啦！」少婦回應一句：「唔好咁大聲講嘢！我BB瞓緊覺！」男子突咆哮大鬧車廂，嚇到乘客按緊急掣求助，少婦推嬰兒車在觀塘站月台奪門狂逃，男子一度擋住車門，亮刀追出月台復架自己頸叫罵，幸多名見義勇為乘客拖開少婦和嬰兒車，撲前奪刀制服他，男子涉嫌藏有攻擊性武器被捕。
