SUN搞作：少膽虫手記：紅色恐怖
「少膽虫，你敢詐病唔返工！」電話中傳來淫賤黎咆哮。少膽虫好夢正酣，即被嚇醒，「腦細，你聽我解釋，我咁做係跟從公司宗旨……」未講完，淫賤黎大叫，「中指？！我依家就舉起咗，仲唔同我躝返嚟？」
公司內，淫賤黎黑口黑面，少膽虫惟有求饒，「腦細，我哋一向扯起民煮大旗，人哋罷課，我罷工都係配合《爛果》方向。」淫賤黎一聽，青筋暴現，「唔返工即係唔使出糧啦！」少膽虫再解釋，「罷課不罷學，自然罷工不罷糧……」
淫賤黎向少膽虫嚟個正手抽擊，「罷工仲咁多嘢講，好在我整咗條熱線專畀人舉報。」「腦細，咁猛鬼？」淫賤黎怒道︰「亂講！邊度有鬼？」少膽虫一臉無辜，「咁係恐怖嘛，白色恐怖，鬼頭仔唔係鬼咩？」
「《爛果》係紅色，點睇都係『紅色恐怖』啦！你估我係白頭佬咩？」淫賤黎又摑少膽虫一巴。
