名媛Jessica袁愷瑩尋日出席內衣品牌新店開幕禮，透露有收集內衣嘅嗜好，佢話：「自己鍾情於宮廷裝同光面物料內衣，每月消費近一萬蚊。保守同性感兩樣款式都有，因應唔同場合，如果着晚裝會少布啲。」

袁愷瑩趁暑假帶子女外遊。

忙於處理旅行業務嘅Jessica，亦有趁暑假帶子女外遊，佢話：「去咗兩個月加拿大，仲有阿拉斯加同墨西哥，聖誕計劃去日本滑雪。去咗阿拉斯加嘅冰川，仲有踩單車同打網球，全部都唔關書本事。」另外原本出席名單中有趙世光女兒趙式和，但公關透露佢因食物中毒而缺席。

第一手消息請下載on.cc東網iPhone/iPad/Android/Windows Phone Apps