小學天台積水成池，食環署竟稱睇唔到！「長期都有積水，大到好似個泳池咁，死水好容易惹蚊蟲，我住喺附近完全被影響，小朋友都畀蚊咬咗好多啖！」何小姐居於興華街西，窗戶正正面對一所小學天台，不滿雨季時天台長期積水，為蚊蟲提供繁殖環境，曾多次投訴惟一直無人處理。

學校天台積水嚴重，如小型泳池。（讀者提供）

食物環境衞生署指，去年至今共接獲兩宗相關投訴，並曾派員到學校巡查，惟無發現天台有積水或蚊蟲孳生情況，並已提醒校方做好防蚊工作，包括清理天台積水。該署在接獲本報轉介後曾再巡察，惟仍未有發現天台有積水。

「一同《太陽》投訴，學校就即刻清咗啲積水，真係唔該晒！」何小姐證實向《太陽報》投訴後，積水已被迅速清理，現時蚊患問題亦已解決，小朋友亦不用再受叮咬之苦。

第一手消息請下載on.cc東網iPhone/iPad/Android/Windows Phone Apps