SUN搞作：打橫嚟講：「社會悲哀」係點樣煉成的？

家陣，在香港成長的戰後BB，五十歲左右的社會精英，唔多唔少總讀過幾錢書，有少許常識啩，都唔講有冇道德和品行了！淨講基本人格，也足叫人大開眼界……

那個「保篩選」，大亂香江的「反佔中大聯盟」成員中，不乏過氣校長、人大代表、「禮義廉」政黨副主席、懂英文粗口的律師，和做過傳媒的總編輯，以此牌頭企出來，又怎會想到佢哋會做出啲低B到令人髮指嘅惡行o架！佢哋竟抄足文革時舉報批鬥身旁友儕的分化運動，仲敢話係「學校家長救救孩子」添！

尋日，同個心理科醫生茶敍，聽佢分析上述低B怪現象。佢話，有人度出此種坑害學校、校長、家長和學生的卑鄙詭計，是心理不平衡的病態所致，因為讀書少，學歷低而自卑，向社會報仇的行為，總要令大家無日好過，佢就好過癮嘞！呢種自瀆而禍港的劣行，若然得到支持，呢個社會一定冧檔咁話，真一針見血！

禮崩樂壞的今日香港，又點會只得一件「薑蓉式」吖！一日無真普選，呢啲冇料自卑而懂向權貴獻媚的粉皮，便得逞當道，乜衰嘢也敢做得出，呢啲就是叫做「社會悲哀」！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府