政壇：三跑被斥靠害珠江海豚
話說環境諮詢委員會喺下周一（十五日）審議機場建三跑道嘅環評報告，白海豚緩解措施備受關注。有關注跨境環保議題嘅團體指出，政府計劃成立的海岸公園選址鄰近珠海海上風電場，質疑係咪適合白海豚棲息；三跑道亦會影響珠江口中華白海豚自然保護區的水質。團體批評中港兩地嘅基建環評各自為政，冇考慮對鄰近地區帶來嘅環境影響。
洪家耀（右）批評內地同香港的基建環評各自為政，冇考慮對鄰近地區帶來嘅影響。左起周月翔、魏翰揚。
政府擬於大嶼山西南同索罟群島成立海岸公園，跨境環保關注協會創始人魏翰揚話海岸公園與珠海海上風電場選址，與進行很多大型爆破工程嘅桂山島，相距僅兩至三公里。風電場嘅工程同營運將造成大量噪音，質疑海岸公園選址係咪適合白海豚棲息。佢又話三跑道選址毗鄰嘅珠江口中華白海豚自然保護區屬國家級保護區，內地專家指該處水域較適合白海豚棲息，擔心三跑道填海工程將破壞該保護區一帶水質，影響白海豚生活。
香港海豚保育學會會長洪家耀亦批評，兩地政府喺邊境水域進行大型基建時，「自己顧自己」，冇考慮對鄰近地區生態系統嘅影響。兩地基建工程愈來愈多，首當其衝是紅樹林和海豚。地球之友助理環境事務經理周月翔亦話中港兩地只顧「搶基建、搶先機」，沒有統一嘅戰略性環境評估。「當香港發展基建，就叫海豚游去大陸，咁係好涼薄，內地海豚都需要生活空間。」她認為需要由其中一方牽頭提出合作和共同訂立指引，才有望解決基建環評各自為政局面。
