女子怒踢阿婆辛辛苦苦執回來的紙皮。
【本報訊】網上近日流傳一段名為「強國女人恰執紙皮婆婆」的短片，兩名穿短褲的疑似內地女子圍攻一名執紙皮的婆婆，「強國」女子不單粗口橫飛，還怒踢阿婆辛辛苦苦執回來的紙皮，片中阿婆不甘示弱負隅頑抗，推了其中一名女子一下。該片引起網民熱議，除不滿兩女「恰」阿婆外，亦批評拍片及圍觀者無出手幫阿婆。
摷疑收據換禮品
該段長約一分鐘短片的描述指，有兩個強國女子為了收集超級市場收據換取禮品，連日在婆婆收拾紙皮的地方亂摷收據。描述指「婆婆無就範，但兩個女人就係咁掉婆婆嘅紙皮」兩人還用粗口鬧婆婆。片段中隱約聽到兩名女子對阿婆說：「你黐X線！」、「你都short嘅！」、「啲盒係你嘅咩？寫你個名咩？」有網民指現場是紅磡一間超級市場後門。
不少網民指摘兩名女子：「如果畀我睇到可能會忍唔住女人都照打……」、「如果個天真係有眼，我真心希望她們兩個老咗之後，要瞓街執紙皮維生。」、「兩個人蝦阿婆，唔死都冇用呀！」
亦有網民批評拍片者未有施以援手：「除了看不起那兩個女人，我更看不起周圍的人，包括拍攝的人也不去幫助老人家」、「我情願你無拍片，我唔知呢件事，都想你出聲囉」、「所以說香港已大陸化！一有咩事個個淨係識拍片，完全沒有一絲幫助的心態……唉！香港已死」
第一手消息請下載on.cc東網
