路政署署長強強，行行吓街突然跣低，強強驟眼一望，見到地下有黃色之物，即時嬲到震。
強強︰邊個？邊個放蕉皮跣我？
市民︰你睇清楚先喇，係你哋鋪嘅警示磚跣你。
強強︰……小事小事，警示磚，專示警。
市民︰可惜未示警，招已中。
強強︰嗱，一條紙底褲都有佢嘅用途，何況係磚？
市民︰係吖，用嚟惡作劇跣人，跣人磚，專跣人！
強強︰唔好咁講，視障人士都係靠佢，幫到忙嘅。
市民︰人人跌倒，當然係「幫倒忙」啦！
強強︰##$$%%^@#
