糖水道堆雜物臭熏天
「又有舊床褥、又多手推車，次次落完雨就臭到要掩住個鼻行！」家住北角的張先生不時沿糖水道步往海邊散步，發現上址雜物不時傳出異味，以致興致盡消，雖曾多次向食環投訴，惟情況未見改善，「明明附近就有食環辦公室，清潔工人又不時行過，都唔明點解佢地可以唔理！」
食環署發言人承認，過去一年曾接獲兩宗相關投訴，已發出四張「移走障礙物通知書」，經轉介後派員巡查，發現家具、手推車及雜物，已就此檢控物主，及在無人認領的雜物貼上「移走障礙物通知書」，覆查時檢走上述雜物，並安排潔淨服務承辦商清洗。
「糖水道一向都係雜物黑點，唔明點解食環次次都要有人同《太陽》投訴先至肯做嘢！」張先生不滿食環署「唔踢唔郁」，要求日後加強巡查，以保障公共衞生。
