為使子女「贏在起跑線上」，不少家長都會大灑金錢，除購入大量課外補充練習外，亦為子女報讀各樣興趣班及補習班。有市場學者指，受本港教育制度影響，加上家長「怕蝕底」心態，令教育周邊服務商機大增。

「過往都係較高收入嘅家長，願意花較多非必要教育使費，但近年連中低收入嘅家長，都愈嚟愈肯花錢。」中文大學市場學系教授冼日明指，學生報讀幼稚園或小學時，學校除考慮成績外，亦考慮學生是否懂得其他技能，令各興趣班及學前班大受歡迎，「升咗中學，又要預備嘅文憑試，結果又一窩蜂去咗補習。」

冼日明稱需求殷切令教育相關產品及服務的商機大增，近年愈來愈多人投身相關市場，估計風氣會持續一段時間。浸會大學市場學系副教授曾仕龍指，家長「怕蝕底」心態是相關行業盛行主因，「家長見其他人都有做，自然會擔心自己小朋友會輸蝕畀其他人，結果就個個都做。」

第一手消息請下載on.cc東網iPhone/iPad/Android/Windows Phone Apps