城中鏡：梁青華遊塔門 享受退休生活
尋日係全港學校開學日，學生哥紛紛收拾心情重返校園，但喺鐘錶界工作三十幾年嘅香港鐘表業總會前主席「華哥」梁青華就開始放悠長大假，事關佢喺上個月底卸下喜運佳鐘錶常務董事嘅職務，正式退休。
梁青華帶兩隻愛犬遊塔門，在大自然靚景前留影。（受訪者提供）
啱啱過去嘅星期日係退休人生第一日，華哥心情靚靚帶華嫂同兩隻愛犬去塔門玩。位於赤門海峽吐露港以北的塔門被郊野公園圍繞，島上以綠草、奇石及不時漫步食草嘅黃牛聞名，華哥一行人都遇到十幾隻牛牛，其中一隻體形較細的愛犬Kiki嚇到係咁吠，另一隻拉布拉多退休警犬Connie就好淡定，真係見過世面唔同啲。
