百物騰貴,要養大一個小朋友談何容易。智經研究中心最近喺佢哋嘅網站推出咗一個育兒成本計算機,幫大家計計由懷孕第一日開始,直至子女二十二歲完成首個學位課程,合共要用幾多錢。得出中產家庭一般大概要投資五百五十萬元於每名子女身上,但豐儉由人,如果以簡樸方式生活嘅話,開支可低至九十八萬港元,即每月使費約三千七百多元。

呢個計算機將養大小朋友嘅時期劃分成五個求學階段,再加埋各時期嘅衣、食、住、行、醫療、娛樂開支。我哋第一時間上網去玩吓個計算機,假設生活情況係接受十二年免費教育,期間小朋友只參加一種興趣班,同埋唔去長線旅行、唔買保險、甚少購買高消費食物及衣服,但係結果都嚇人一跳,竟然需要花費二百多萬港元。唔知上面提到用九十八萬元內湊大一個細路仔,生活有幾簡樸呢?

第一手消息請下載on.cc東網iPhone/iPad/Android/Windows Phone Apps