中秋節就快到,又係食月餅嘅時候。有機構調查發現,香港人每年丟棄嘅月餅達到一百五十二萬個,但係仍然有好多人樂此不疲送月餅,仲有人好有心思,將自己個名印喺餅上添!

何君堯訂造咗四百個月餅送畀長者。(資料圖片)

每個月餅都有「君堯敬贈」字樣。(互聯網圖片)

屯門區議員何君堯特別訂造咗四百個月餅,送畀屯門區蝴蝶邨嘅長者,表達對長者嘅關愛。我哋見佢喺社交網絡上載咗一張相片,原來佢今次專門搵人幫佢做咗個月餅模,每個製成嘅月餅上均刻有「君堯敬贈」四個字,喺啱啱過去嘅周六送出,連觀塘區嘅人都被吸引,紛紛於相片下留言,問可唔可以都要一啲喎。其實月餅又甜又多油,長者都係淺嘗即止好啲。

第一手消息請下載on.cc東網iPhone/iPad/Android/Windows Phone Apps