金鐘政府總部門常開及系列建築獲得國際建築獎項提名，不過攞唔攞到獎都係未知之數，但門常開多得貪曾好大喜功，要喺佢卸任前落成，結果工程又急又趕，種下豆腐渣隱患，李衞就去問吓貪曾，睇吓佢驚唔驚佗衰家累人攞唔到獎。

李衞：你個衰貪曾，唔知會唔會搞到門常開有獎都變冇獎！

貪曾：咁都要入我數？

李衞：梗係啦，鬼叫你好大喜功，搞到門常開啟用至今甩漏不停。

貪曾：我走咗咁耐，有咩要改都應該改晒啦，唔好賴我喎。

李衞：仲想扮唔關你事？

貪曾：之不過你放心，獎一定攞到，我好有信心……

李衞：唔係啩，咁淡定？

貪曾：早前衝擊立法會令門常開變咗門常關，公民廣場要加圍欄添，咁搞法，點都可以攞番個「最強保安政府總部大獎」啦！哈哈！

李衞：&$%^#%@$!@!!

第一手消息請下載on.cc東網iPhone/iPad/Android/Windows Phone Apps