政壇：李偲嫣踩場對撼人力
正義聯盟召集人李偲嫣近排動作多多，尋日又去到人民力量（人力）立法會議員陳志全（慢必）位於沙田瀝源邨嘅辦事處外，抗議該黨喺港鐵早前發生唐狗誤闖路軌被列車輾斃嘅事件中，抽政治水，其實意在破壞香港安定繁榮，實在不可接受。不過，雖然慢必辦事處本來周六下午休息，但成員「快必」譚得志就特意去到現場恭迎李偲嫣。雙方於是各自攞住大聲公，隔住一條小巷，互相對罵。
李偲嫣到陳志全辦事處踩場，抗議人力借撞死狗「抽水」。
期間李偲嫣又抱住佢養嘅小狗，不斷叫口號，話「人民力量、漢奸力量」等等，又認為港鐵高層應該承擔責任，出來道歉，而且要成立培訓員工嘅機制喎。至於人力就專登做咗兩塊寫上「偲嫣帶得走，唯有六八九」嘅示威板，話用嚟恭迎李偲嫣，又話李偲嫣抱住隻狗去示威，難為狗隻，小狗隨時中暑都唔定喎。
