政壇：樹根警告邱副咪插針
立法會議員鍾樹根位於柴灣興華邨嘅聯合辦事處尋日開幕，係民建聯（民記）東區支部第四個辦事處，政府高官都有畀面出席，包括運輸及房屋局副局長邱誠武（邱副）。作為主人家嘅樹根就同邱副排排坐、密密斟，雞啄唔斷咁傾偈，原來樹根係趁機會警告邱副，唔好喺佢個選區起插針樓，話影響當區交通喎。
邱誠武、鍾樹根
樹根話佢係叫邱副唔好喺其區議會所屬嘅漁灣選區起插針樓，擔心影響該區交通，又話漁灣邨拆一半唔拆一半，咁搞法唔係好掂喎。原來樹根係趁機捉住邱副幫居民反映意見。
話時話，民記今年底仲會喺筲箕灣開多一個辦事處，屆時該黨喺港島區就會有十一個辦事處，真係梗有一間喺左近。
